2021/03/09

Argazki eta maitasun mezuen lehiaketak. Saridunak!

 Portugaleteko ARGAZKI LEHIAKETAN 55 argazki aurkeztu ziren eta hau izan zen irabazlea: JAVIER BELASKO

Irabazleak gaur jaso du merezitako saria Portugaleteko Euskara Zerbitzuko Karmeleren eskutik:

  Zorionak eta gozatu sariaz!

Hauek izan ziren beste 9 argazki finalistak:

                               

Txikitan, nire txokorik bitxi kuttunena Portugaleteko Putzuak  ziren ; izan ere, egun ilun eta euritsuetan , katiuskak jarrita, putzuetan plisti-plasta egitea baino gauza hoberik ez zegoen. GOTZONE


Portugaleteko leku hau aukeratu dut asko gustatzen zaidalako. Batzuetan lagunekin jolastu dut kale horretan, eta oso hondo pasatzen nuen. Argazkiaren lekua Portugaleteko basilikaren ondoan dago, plaza hori asko gustatzen zait, oso polita da. Eta koloreko etxeak oso bitxiak dira. NAHIA

 

Leku hau aukeratu dut, oso polita iruditzen zaidalako eta kanpoko norbaiti erakusteko balio ahal duelako, bera hona etortzeko gogoa sartzeko. Gainera argazkiko koloreak oso biziak dira eta paisai polita ateratzen da. CLAUDIA

Amama kontatu arren

tximinoen istorioa

nola bukatu zuten

animali horiek kaiolan.

Nortzuk sartu zituzten

beraien familietatik baztertuz

hamarkada bat baino gehiago

heriotzan libre izateko.

Amama kontatu arren

zergatik egin zieten hori

Zer bizimoduko izugarria

Tximino gaixo horiena!

GOTZONE


Argazki honetan ikusten dugu Portugaleteko eliza.

Argazki hau aukeratu dut, urte asko daramatzalako Xabier ikastetxean, oso ondo dagoelako, eta Centro Xabierretik bistak onak daudelako.

Adibidez: eliza, zerua...

Portugaleteko eliza oso famatua da.

Jende asko joaten da.

Elizan bataioak egiten dira eta komunioiak egiten dira. MIKEL

Leku hau aukeratu dut, zeren txikia nintzenean denbora asko pasatzen nuen parke honetan eta oso oroitzapen politak ditut. Plaza zoragarria da eta antzina tximinoak zeuden. Oso leku lasaia da eta naturarekin konektatu ahal duzu, horregatik gustuko dut. Animatzen zaituztet edozein momentutan joatera ziurrenik gustuko izango duzuela. IRATI

Aurreko udan lehio horren aurrean barruan dudan 14 urteko neska alboan neukan, biok eskutik helduta etorkizunari begiratzen.

Herriarentzat sortura, nire eskola zenak urteak eman ditu abandonatuta baina egun, polita izateaz gain, leku magiko ere bihurtu da.

Sastraka, non elkartzen diren kultura, Euskera, auzolana eta elkartasuna. Urte arraro honetan lehio irekia eta lekurik bitxiena. ZIORTZA

Jose Zaldua kaleko eskailera mekanikoak:

Gure herria aldapaz beteta dago, txoko guztietan adineko jendea bizi da eta eskailera hauek egongo ez balira, ezingo lirateke ondo mugitu. Argazki hau aukeratu dut eskailera mekanikoak igota ilunsentia ikusten delako eta bidea hor goian amaitzen dela dirudielako. MAIDER

Iluntzean itsasadarrera bueltan, gure herriko atea iluntzen doa. MABEL

 

Bestalde, otsailean antolatutako MAITASUN MEZUEN LEHIAKETAN 135 mezu aurkeztu ziren eta hau izan zen sariduna: ARKAITZ BASTERRA.

Mezua:

''Bihotzaren mintzoa dira zure ezpain leunetan pausatzen ditudan musuak, gozo bezain ozen.''


Bigarren mezu saridunak ere bere oparia jaso du Portugaleteko Euskara Zerbitzuko Noemiren eskutik, zorionak EDER CABIA!

Mezua:

''Izarrak zeharkatu ditugu

ta margotu maitasuna,

lau haizeetara zabalduz

barneko askatasuna.

Zeruari emango diogu

gauero argitasuna,

horrela ezabatuko dugu

munduko iluntasuna.''

Zorionak eta gozatu sariaz!

Hementxe beste mezu finalistak:

''Haizea ilean, eguzkia aurpegian, lur bustiaren usaina, itsasoaren soinua, belar ebaki berria... Zu hori zara. Bost zentzumenekin maite zaitut.'' TERESA

 

''Zurekin pasa ditudan arratsalde guztiak ez ditut ahaztuko, zurekin jokatu ditudan partidak ezin hobeak izan dira. Eskerrik asko denagatik. Gauza asko geratzen zaizkigu elkarrekin.'' ENEKO

 

''Ez dakit nola sentitu emozio hauekin,

triste edo pozik,

haserre edo lasai,

barkatzen dizkizudan sentimendu maiteak edozein direla ere.'' ENARA

 

''Jaio naizenetik hil arte, ikastolatik unibertsitatera, eta bidaiatu dudan lehen aldetik azkenengora, beti nirekin doana eta gehien maite dudana, ni, ni neu.'' INES

 

''Nahiz eta ez egon, ikusten zaitut.

Nahiz eta ez mintzatu, entzuten zaitut.

Nahiz eta gutxitan esan, askotan esango dizut.

Maite zaitut.'' JAVIER

 

''Maitasunak zure izena xuxurlatzen dit. Nire bihotzaren taupadak zure pausoen erritmora doaz, beti hauek harrapatu nahian, zure begiradak zabaltzen didan bidea jarraituz.'' MAIALEN

 

''Egunero zure zain egoten naiz batzen gaituen maitasun honetaz gozatzeko. Eskerrik asko nire bizitzaren parte izateagatik eta nirekin hain berezia izateagatik. Maite zaitut.'' SANDRA

 

''Maitasun zintzoa ez da inoiz amaitzen: puntu eta jarriak ezagutzen ditu, baita komak ere, baina ez azken punturik.'' ANA

 

Mila esker bihotzez parte hartu duzuen guztioi!



 

 

No comments:

Post a Comment