pestañak

ZORIONAK ETA URTE EUSKALDUN ON!!!

Zuei esker EUSKARAK hiztunak, entzuleak, irakurleak, idazleak... irabazten ditu egunetik egunera. 

Horregatik, esan bezala... ZORIONAK ETA URTE EUSKALDUN ON; BERBALAGUNOK!!!!

Euskal Herriko altxorretan barrena


Gogoratu ostiral honetan, hilak 20, arratsaldeko 20:00etan La Kelo gaztetxean bideo-emanaldi eta solasaldia izango dugu.
Euskarazko 50 minutuko dokumental honek Arkaitz Astiazaran-ek 2013ko udaberrian Euskal Herri guztian zehar egindako 4400 kilometroko txirrindu bidaia kontatzen du, euskal musika anitzaz lagundurik, gure herrialdeko paisaia, tradizio, mendialde, animalia, itsasalde, herri eta natur inguruneak erakutsiz. Guztira, 37 etapatan 800 herri eta 175 mendate igaro zituen. Berak, ibilbidean zehar motxilan zeraman bideo-kamerarekin hartutako irudiekin osatutako dokumentala da, oso aurrekontu eta baliabide xumeekin, baina gogo eta ilusio handiarekin egina. Asmoa, gure herrialdetik irten gabe eta modu xume batean zer nolako planak egin ditzazkegun ideiak ematea da; etxetik pauso batera askotan konturatzen ez garen altxor paregabeak baititugu.

XARIBARI AEKren jaia Portugaleten

 
 
Gabonak ate joka ditugun sasoi honetan Xaribari AEK-k hitz egiteko, abesteko, dantzatzeko eta gozatzeko jaia prestatu du. Ostiral honetan Portugaleteko Alde Zaharretik egingo den kalejirara gonbidatu nahi zaitugu!!! Xaribari AEK-k antolatuta mundu guztiari deialdia zabalduz Iban eta Aner trikitilarien doinuekin abenduko hotzari arropa gorria erantsi eta giroa berotuko dugu!!! Zatozte!!!
 
DATA: Abenduak 20 ostirala
ORDUA: 19:30ean  
LEKUA: Zirimiri tabernan  (Erdiko kalea)

INTXAUR-SALTSA egiteko tailerra Portugaleten



Ba al zenekien gabonetako euskal postrerik ospetsuenetarikoa dela?? Oso, oso, oso gozoa dela? Osagai gutxi behar direla? Intxaur-saltsa nola egiten den ikasi nahi baduzu, zatoz!!! Berbalagun egitasmotik antolatuta, mundu guztiari zabal-zabalik. Izena emateko: alfre-e@aek.org

DATA: Abenduak 19 osteguna
ORDUA: 19:00etan
LEKUA: "La Guia" txokoa (Koskojales kalea-Portugalete)

Negu Eguna Mamarigan



Urtero lez Mamarigan Negu Eguna ospatzen da eta aurten igande honetan, abenduaren 22an, ospatzeko Kultur Etxeak antolatutako egitaraua hemen duzue:

13:00etanDenok Kultur Etxera! Hemen bilduko gara 13:00etan gure triki-kantu-poteori hasiera emateko:
  • Animatu zaitezte zuen koadrila, lagun edo ezagunekin gure kantu poteo lehiaketan izena ematen. Koadrilen arteko "Kantu Rally poteo" mundiala izango da..... ANIMATU ETA PARTE HARTU!!!
  • ...gainera trikitilariek auzoa alaituko dute!!!

15:00etan Bazkari autogestionatua Kultur Etxean!: Taperra eskuan eta denok Kultur Etxeko Txokora...

Pottokiak: Bihurriren txotxongiloa

Ostiral honetan, arratsaldeko 18:00etan Santurtziko Mahastietako liburutegian Pottokien "Bihurriren txotxongiloa" bideoa ikusi ahal izango dugu. Ume eta gurasoek elkarrekin joateko aukera aproposa dugu hau. Beraz, badakizue: animatu!

Bide batez gogoratu ostiral honetan bertan Santurtziko Aek euskaltegian arratsaldeko 19:00etan Euskal kanta tailerra izango dela, eta hurrengo egunean Dario Regoyosen erakusketa ikustera joango garela. Azken bi hauetan izena eman nahi izatekotan ondoko helbidera idatzi: ezkerraldea@aek.org.

Euskal topaketa Sestaon!

Ostegun honetan zerrenda pasatuko dugu, eta guztiok bertan egotea espero dugu!!!! 

Sestaoko BOCK tabernan elkartuko gara arratsaldeko 18:30etan, eta 19:00etatik aurrera euskara eta Sestaori buruz mintzatuko gara, bideo-aurkezpena ikusteko aukera izango dugu eta askaria hartzeko ere! 

Ondoren, Barry Manley hurbilduko zaigu, bere esperientzia gurekin konpartitzeko: Zer egiten ote du irlandar batek Euskal Herrian? Eta zergatik hitz egingo ote du euskaraz??

Animatu ta etorri, primeran pasako dugu!!!!!

KURDISTAN - Urtzi Urrutikoetxea, Portugaleten



Kurdistanen eta munduko beste mila bazterretan ibilitako free-lance kazetaria dugu Urtzi Urrutikoetxea. ETBko kazetaria gaur egun, PEN klubeko kidea, Hamaika TBko zuzendari ohia eta "Auzoak" edo "Sahara Express" bezalako liburuak idatzi egin dituena. Kasu honetan KURDISTAN herrialdeari buruz arituko zaigu hizketan (hango jendea, herrialdearen historia, egoera politikoa...) berak ekarritako argazkiekin girotutako hitzaldian. 

DATA: Abenduak 12 Osteguna
LEKUA: Santa Klara Kulturtegia
ORDUA: 19:00tan 

Olentzero eta Mari Domingiren bila

Sestaoko Kueto eskolan laguntza eskatu digute. Hurrengo abenduaren 19an Olentzerok beraien eskola bisitatzea nahi dute, baina ez dute topatu. Zuetako norbait Olentzero edo Mari Domingi pertsonaien azalean jartzeko prest badago, goiza eskolan umeekin pasatzeko prest, esan mesedez!!!

Eskolan eskertuko dute eta primeran pasatuko duzue, ziur!!!

678 626 567, aintzane-p@aek.org 

Izenadubara bisita

Aurten ere, Bai Esan elkartearen eskutik Olentzeroren etxea ezagutzeko aukera izango dugu. Heldu eta umeentzako ekintza aproposa da eta gertu, Mungian baita.
Oraindik ezagutzen ez baduzu edo jadanik ezagutu bai, baina berriro bueltatzeko gogoz bazabiltza; animatu!

http://baiesanturtzi.blogspot.com.es/
Joan nahi baduzu idatzi ondoko helbidera: baiesan@kaixo.com

Bertsoak Barakaldon

Aste honetan bertsoaz gozatzeko aukera izan dugu eta izango dugu. Atzo, Barakaldoko hizkuntza Eskolan Arkaitz Estiballes eta Oihana Bartra ibili ziren oholtza gainean, ikasleen gozamenerako.

Ostegunean, berriz, bertsoak kalean ikusi eta entzuteko parada izango dugu. San Bizenteko elizako arkupetan, Gazte asanbladak bertso-saioa antolatu du, arratsaldeko 19:30etan.

Gozatu bertsoak, gozatu euskara!!!

Portugaleten "Zer duzu Amy?" komedia

 
 
‘Zer duzu, Amy?’ Oh My God! taldearen antzezlana da, Donostiako Poltsiko Antzerki Sorkuntzaren obra irabazlea. Proiektu honetan parte-hartze zabala dago: besteak beste, Leire Ucha (aktorea), Eguzki Zubia (zuzendaria), Itziar Markiegi (eszenografia), Ugaitz Alegría (koreografia) eta Natxo Gómez (musika). 14 eta 35 urte bitartekoei zuzendutako antzezlana da.
 
DATA: Abenduak 4 asteazkena
ORDUA: 19,30ean
LEKUA: Gazte Gela (Portugalete)

Atzo, abenduak 2, Barakaldoko euskaldunon 1.go topaketa burutu genuen. Bihotz-bihotzez eskerrik asko hurbildu zineten guztioi!!!

80 lagun inguru bildu ginen eta, gure artean Barakaldoko euskaldunei buruz, euskararen erabilerari buruz, berbalagunari buruz... hitz egin genuen
Ondoren, Laureano laguna etorri zitzaigun bere esperientzia kontatzera eta primeran pasatu genuen bere istorio xelebreekin. Mila esker!!

Irudi gehiago ikusteko, klikatu  hemen
Hurrengorako, prest!!! Aupa zuek!!!

Eskerrik asko euskaraz aritzeagatik!


Nahiz eta bihar Euskararen Eguna izango den, euskara eguneroko kontua da. Euskaldun berriek inork baino hobeto dakite zer den euskara ikastea. Askotan nekagarria den arren, bere emaitza du: euskarak bizirautea, zabaltzea, normalizatzea, ...
Euskaldun berriek ere euskaraz gorrotatzen, tristetzen, maitatzen, alaitzen, ... ikasten dihardute.

Honengatik guztiagatik, ESKERRIK ASKO!

http://www.eitb.tv/eu/bideoa/tribuaren-berbak/2832983980001/2854039739001/monumentu-bat-euskaldun-berriei/


Abenduko agenda

Hemen duzue abenduko agenda. Dakizuenez, aste honetan euskararen eguna ospatuko da eta horren harira hainbat ekintza burutuko dira. Adi, blog-era!!!

Euskaraz gara; Hala Dzipo arnasgune

Larunbat honetan, Barakaldo eta euskarari buruzko hitzaldia eskainiko du Kike Vivancok Hala Dzipo musika eskolan. 
Erdaldun inguruan bizita, gure hizkuntzaren garrantzia eta erabilera baloratzeko aukera eskainiko du.

Goizeko 12:00etan izango da eta guztiak zaudete gonbidatuta!!! Etorri!!

Larunbata, azaroak 30, eguerdiko 12.00etan. Hala Dzipo musika eskolan (El Rosario, z/g)


Kakorratz ikastaroa



Pasa den asteazkenean hasi zen Berbalagunek antolatutako kakorratz ikastaroa. Marijo oso ondo dabil irakasle lanetan, ikasleak finak ere badira. Lehenengo saioan oinarrizko puntuak egiten ikasi zuten, hauekin poltsoak, txanoak, ... egin ahal izateko. Baina hori hurrengo saioan egingo dute.

Portugaleten BTN13 ulertzeko saio didaktikoa


Bertsolari Txapelketa Nagusia ulertzeko trukoak eta pistak. Zer da Txapelketa Nagusia? Eta bertsolaritza? Zer gertatzen da Bertsolari Txapelketetan? Zer egin behar dute bertsolariek? Zertan pentsatzen dute? Zertarako gai-jartzailea?

Azaroak 27, asteazkena, 19:00, Santa Clara kulturtegia
Saio didaktikoaren emailea: Itsaso Paya

Abenduak 5, osteguna, 10:00, Santa Clara kulturtegia
Saio didaktikoaren emailea: Beñat Vidal

Antolatzaileak: Xaribari AEK euskaltegia / Portugaleteko Euskara Zerbitzua

Dario Regoyos ezagutzeko bisita gidatua

1857an Asturiasen sortu zen Dario Regoyos. Margolari honek inpresionismoa, aurre-sinbolismoa eta puntilismoa ezagutu eta landu zituen.
Bere helduaroan Bizkaiko eta Gipuzkoako paisaiak margoztu zituen, Sestaoko paisaia hau esaterako.
Berbalagunok artista honen lana ezagutzeko aukera izango dugu abenduaren 14an goizeko 11:30ean BBK Aretoan.
Izena emateko: ezkerraldea@aek.org helbidera idatzi.
Erakusketari edota artistari buruz gehiago jakiteko: http://www.museobilbao.com/eu/exposiciones/dario-de-regoyos-1857-1913-202

Abenduko Santurtziko euskara agenda

Urteko azken hilean ere ekitaldi ugari izango dugu. Denetariko ekintzak izango ditugu: Euskara Eguna, Izenadubara irteera, Durangoko azoka, Negu Eguna, Olentzero Eguna eta honi gutunak... eta hauetaz gain, berbalagunek proposatutako 2 ekitaldi oso interesgarri.

Ikastaroen jaia




Ostiral honetan, azaroaren 29an, ikastaroen jaia ospatuko da, 20:00etatik aurrera Mamarigako Kultur Etxean. Ikastaroetan parte hartzen dutenentzat elkar ezagutzeko aukera aparta izango da. Ikastaroetan ez zabiltzala? Lasai egon, zu ere gonbidatuta zaude eta!
Ikastaro eta etxean egiten diren ekintza guztien aurkezpena egingo da eta Sukaldaritza ikastarokoek egindako pintxo jana!

Ametsetatik auZogestiora...auZogestiotik Ametsetara!!!

Euskal Herriko altxorretan barrena atzeratu egin da.


Hil honen 29an izan behar zuen "Euskal Herriko altxorretan barrena" bideo-emanaldia eta hitzaldiak. Azkenik, abenduaren 20an, ostiralean, arratsaldeko 20:00etan izango da Santurtziko La Kelo gaztetxean.

29an horren ordez, "Bizimartxa" bideo-emanaldia izango dugu arratsaldeko 20:00etan.

Euskararen aldeko herri bazkaria


Euskara Astearen egitarauaren barruan, herri bazkaria dugu azaroaren 30ean eguerdiko 15:00etan, Gernika parkean.

Menua: kalabaza krema, oliasko paella, ogia, edaria, postrea, kafea eta kopa.

Helduentzat 13 euro eta umeentzat 8 euro. Merke-merke!

 ezkerraldea@aek.org, santurtzi@aek.org, Aek-n, Udal Euskaltegian eta ikastetxeetan eman dezakezue izena.

On egin!

Santurtzin berbodromoa




Santurtzin abenduaren 3an, Euskara Egunean, Berbodromoa izango dugu!

Zer da berbodromoa?
Gernika parkean talde txikitan elkartuta hainbat gairi buruz hitz egingo duzue labur. Bozeramaileak ideiak jaso eta post-it batzuetan bertan utziko duzue hitz egindakoaren testigantza. Jendearekin euskaraz hitz egin eta zuen iritzia eman. Zer deritzozue?
Nahiz eta parte hartzea doakoa izan, aldez aurretik izena eman behar da ondoko helbidera mezu bat bidaliz eta zehaztuz zein ordutegitan joango zareten, 3 baitaude aukeran: santurtzi@aek.org

Ordutegiak hauexek dira: 9.30ean, 17:00etan eta 19:00etan.

Santurtziko Euskara Astea




Euskara Astea ekintzaz lepo datorkigu!

Aurten herriko elkarte, ikastetxe eta euskaltegien artean sortu dugu egitaraua. Parte hartu nahi duen orori luzatzen diogu gonbitea. Adin tarte eta gustu guztientzako ekintzak prestatu dugu. Beraz, ez izan zalantzarik eta animatu! Gora Santurtzi euskalduna!

Etorri, parte hartu, hitz egin!!!

Abenduaren 3an, Nazioarteko Euskararen eguna ospatuko da, baina Barakaldon pixka bat aurreratuko gara. Abenduaren 2an elkartuko gara, Clara Campoamor kultur etxean. ikasle, berbalagun, euskaldun, gazte nagusi... guztiak zaudete gonbidatuta!!!! 19:00etan bakarrizketa, bideoa, aurkezpentxoa... 

Anima zaitezte eta hurbildu!!! Zuen zain egongo gara!!!

GAUR, EUSKARA PRAKTIKATU, BIHAR, EUSKARAZ BIZI!!!

"Gure esku dago-Zubi zati bat" ekimenaren aurkezpena Portun



Erabakitze eskubidearen alde sortu den plataforma anitzaren aurkezpen honetan ekimenaren jatorria, ildoak, helburuak eta hitzorduak azalduko dira. Portugaleten jatorri eta ideia desbardineko pertsonek ekimen honekin bat egin dute. Zatoz ezagutzera!!!

DATA: Azaroaren 21a Osteguna.
LEKUA: Zibikoa (Orube enparantza-Portugalete)
ORDUA: 19,15ean

Kantu-musika-poteoa Barakaldon!

Gaur arratsaldean planik ez daukazuela??? Ba animatu eta etorri gurekin egun euritsu hau alaitzera!!

Arratsaldeko 19:30etan Barakaldoko AEK euskaltegiko atean elkartuko gara eta, musikariak lagunduta, auzoan ibiliko gara kantatzen, poteatzen, jendea ezagutzen...


KAKORRATZ IKASTAROA






Inoiz saiatu al zara kakorratza erabiltzen? Nahi bai, baina jakin ez? Ba oraingoan aukera paregabea duzu!
Hil honen 20an eta 27an arratsaldeko 18:00etan Santurtziko Aek Euskaltegian, Berbalagunek antolatuta Kakorratz ikastaroa izango dugu. 10 laguneko taldea izango da, beraz parte hartu nahi baduzu izena eman ahalik eta azkarren.
Izen emateko edota informazio gehiago nahi izanez gero ezkerraldea@aek.org helbidera idatzi.

HIRU antzezlana


Adela, Nekane eta Maitek ez dute elkarren berri izan joan deneko hiru hamarkadetan, hain zuzen ikasketak amaitu zituztenetik. Lagun minak, separaezinak ziren, bizitzaren joan-etorrian, bakoitzak bere bide eta esperientziei ekin zien arte.

Tenore  honetan,  berrogeita  hamarrak  betetzeko trantzean, gauza bat dute argi eta garbi: zein  baino  zein  bakartiago  bizi  direla,  hirurak ere, ama izateko ametsa erdietsi gabe. Berandu ote? Eta gustuko gizona aurkituko balute? Eta gizon horrek hirurak haurdun utziko balitu? Benetako familia bat osa lezakete...

Amesturiko gizon-katxarroarekin egin dute topo eta galdera nagusia dator jarraian: “Hiru espermatozoide utziko al zenizkiguke?”.

Santurtziko Serantes Kultur Aretoan antzezlan dibertigarri hau ikusteko aukera izango dugu hil honen 21ean 20:30ean. Berbalagun eta Euskaltegietako ikasleentzat 5 euroan sarrera.
Izen eman nahi baduzu idatzi ondoko helbidera: ezkerraldea@aek.org

Errigora, Nafar hegoaldeko uzta euskarari puzka

ERRIGORA ekimenak, auzolanean, Nafarroako hegoaldeko nekazaritza indartzeko asmoa du. Horretarako, eremu horretakoak propio diren produktuak Euskal Herriko plazan jarriz. Bertako ekoizleei laguntzea eta Nafarroako "zonalde ez euskalduna" deritzoteneko euskalgintzari ekarpena egitea ere badu helburu.
Aek, Sortzen eta Ikastolen Elkartea eta Zazpiak Bat Harreman Sarearen elkarlanaren emaitza da kanpaina hau.

50 euroren truke Nafarroa hegoaldeko produktuez osatutako saski bikaina jaso dezakezu; eta merkatuko prezio berean! Baina desberdintasun nabarmen batekin: % 25 euskarari bideratuko zaiola herritar askoren lan bolondresari esker. Dirua ondoko proiektuetara bideratuko da:
-Egoera larrian dagoen Lodosako ikastolara.
-"Euskaraz bizi eta ikasi" herri ekimenera.
-Erriberako helduen euskalduntzea mantendu eta zabaltzera.

Merezi du ezta?

https://www.youtube.com/watch?v=IRJeUyUvvOE

Eskariak egiteko:
Ezkerraldeko Aek euskaltegietan eta Santurtzin beste hainbat lekutan.


Euskal Herriko altxorretan barrena


Txirrindula, gogoa eta Euskal Herriko bide, mendi, bidezidor eta herrixkak. Hori behar izan du dokumental honen protagonistak altxor berezi hau sortzeko. 

Kamara eskuan, Euskal Herriko txoko eta lekuak erakutsiko dizkigu. Eta ikusteko bi aukera izango dugu Ezkerraldean: 

Lehenengoa, Sestaon, Txirbilenea Kulturgunean, azaroaren 4an. Arratsaldeko 19:30ean dokumentala ikusteko aukera egongo da.

Bigarrena Santurtzin, La kelo gaztetxean, azaroaren 29an arratsaldeko 20:00etan.

Etorri gurekin Euskal Herriko altxorrak deskubritzera!!!!

Gerria astindu!!!

Barakaldoko Sasiburu euskara elkarteak, ikastaro oso interesgarria antolatu du. Hurrengo azaroaren 6an eta 13an sabel dantza tailerra izango da San Bizenteko kultur etxean, arratsaldeko 19:00ean

Plaza mugatuak daude eta dohainik izango da!!! Animatu eta izena eman, ariketa fisikoa euskaraz egingo dugu eta primeran pasatuko dugu!!

Izena emateko: sasiburu@gmail.com

Ezkerraldeko Berbalagun ikasturte hasiera mundiala!






Hil honen 18an Ezkerraldeko Berbalagun ikasturte berriari ekiteko asmoz aurkezpena egin zen Santurtzin. Ezkerraldeko 50 lagun elkartu ginen. Bertan Barry Manleyren bakarrizketaz gozatu, barre egin, kantatu eta txisteak ere kontatu ziren.
Ostean, trikitilari eta pandero joleak lagunduta Txitxarran dantzatu, kantatu eta ondo pasa genuen. 2 pertsonentzako afari baten zozketa egin zen.
Aurkezpenaren ondoren ikasturte honi heltzeko indarberrituta sentitzen gara! Beraz, euskara berriro ere gure herrietako kaleetan hedatzeko prest gaude aurten!
Zu ere prest al zaude?

EKUADOR euskaraz deskubritu nahi??? Zatoz Portugaletera!!!



DATA: Urriak 30 Asteazkena
ORDUA: 19:30ean
LEKUA: Santa Klara Kulturtegia (goiko aretoa) Portugalete

Bidaiarien txokoan hilabete honetan EKUADORrera goaz. Herrialdea ondo baino hobeto ezagutzen duten Mikel Condek eta Julio Cuadrak haien esperientzia kontatuko digute: Andeak, Rio Bamba, komunitate mestizoak eta indigenak, Chimborazo mendia, kostaldea, oihana, Rafael Correa, EMI...


ITSASOARI BEGIRA



SanturZinen, Santurtziko Film Laburren 1. Zinemaldian, parte hartu zuen euskaraz egindako film labur bakarra. Berbalagun den Gorka Bovedak egina da.

Filmaren laburpena:

Santurtzi, 1937ko maitzaren 21a. Habana itsasontzian 200 emakume 4000 umerekin atzerrira abiatu ziren Gerra Zibila atzean uzteko asmoarekin. Santurtzi eta bere bizitza osoa atzean utzi behar izan zituen emakume baten istorioa ezagutuko dugu bere ilobiari bidalitako gutun baten bitartez.

Film laburra ikusteko:

http://youtu.be/7YYonUVflu0

"Portu-Bilbo" trenbidearen 125garren urteurrenaren erakusketari buruzko BISITA GIDATUA



"Portu-Bilbo" trenbidearen 125garren urteurrenaren erakusketari buruzko BISITA GIDATUA euskaraz eta doan!!! Portugaleteko RIALIA museoan izango da, etorri nahi izanez gero bidali emaila honako e-postara: alfre-e@aek.org

DATA: Urriak 17 osteguna
ORDUA: 16,30ean
LEKUA: RIALIA museoa (La Canilla pasealekua - Portugalete)
 

Pilates ikastaroa Sestaon

Bihartik aurrera, pilates ikastaroari ekingo diogu. Iaz hasitako ikastaroa da eta aurten bi talde izango ditugu asteartero. 18:30-19:30 eta 19:30-20:30, Sestaoko AEKn.

Oraindik izena eman daiteke! Animatu eta osasuna zaindu euskaraz!!!


EZKERRALDEKO BERBALAGUN AURKEZPEN FESTA!!!

Hurrengo ostiralean, urriaren 18an, galdu ezin duzuen hitzordua dugu: EZKERRALDEKO BERBALAGUNON FESTA!!!!

Bakarrizketa, zozketak, bideoa, kalejira,.... Arratsaldeko 19:00etatik aurrera, Dorretxean.

Animatu eta etorri!!! Primeran pasatuko dugu eta Ezkerraldeko beste berbalagunak ezagutzeko aukera izango dugu!!!!

GAUR EUSKARA PRAKTIKATU, BIHAR EUSKARAZ BIZI!!!!

Jon Arretxeren "19 kamera" liburuarekin irakurketa tailerra Portun



Aurten ere  helduentzako irakurketa tailerra jarriko dugu martxan, iazkoari jarraipena eman nahian. Tailerraren asmoa da euskaraz irakurtzeko zaletasuna bultzatzea eta irakurtzeko ohitura sustatzea. Herriko irakurzale guztiak zaudete, beraz, gonbidaturik. Hilean birritan, astearteetan, Santa Klara kulturtegian elkartuko gara irakurritako liburuari buruzko iritziak elkartrukatzeko.

DATA: Urriaren 8a eta 22a
LEKUA: Santa Klara kulturtegia (Portugalete)
ORDUA: 18,00-19,00

Saiootan tailer-kide bakoitzak etxean irakurritakoa, idazlearen estiloa, pertsonaiak eta, oro har, literatur kontuak izango dira solasgaiak. Parte hartu nahi baduzue, jo ezazue euskara@portugalete.orghelbidera eta tailerraren inguruko xehetasun guztien berri emango dizugu.

Txokolatezko bonboiak egiten ikasteko tailerra Portugaleten



Zatoz txokolatezko bonboiak egiten ikasteko tailerrera!!! Horretan aditua den sukaldari batek pausu guztiak irakatsiko dizkizu. Ez duzu ezer eraman beharko. Eman izena honako helbide elektronikora posta bat bidalita: alfre-e@aek.org

DATA: Urriak 9 asteazkena
ORDUA: 19:30
LEKUA: Elai-Alai taldearen txokoa (Santa Maria kalea-PORTUGALETE)

URRIKO AGENDA

Ikusi, aukeratu eta parte hartu!!!!! Ikasturte berriari irribarretsu ekin!!!

Praktikatu gurekin!

Zure herriko euskarari lagundu nahi badiozu, eman izena berbalagunen; horrela, zure herriko jendeari laguntzeaz gain zure euskara indartuko duzu. Euskaldun berri ala zaharra izan, behar zaitugu, euskara guztiak beharrezkoak dira eta.

SESTAOK ERE EUSKARAZ BIZI NAHI DU!!!

Igande honetan, jantzi kamiseta eta etorri herri lasterketara!!!

Sestaon II. euskaraz bizi nahi dut lasterketa ospatuko dute, goizeko 11:00etan. Ibilbidea musika eskolatik Kuetoko gurutzera izango da.

Izena eman dezakezue AEK euskaltegian edo egunean bertan, 10:00etatik 10:45etara Kasko plazan. Zozketak, diplomak... eta giro euskaldun ikaragarria!!!

Animatu!!! Sestaon ere EUSKARAZ BIZI NAHI DUGULAKO!!!

Ongi etorri Pupu eta Lore bideo emanaldia



Santurtziko Udal Liburutegi Sareak antolatuta, irailaren 27an arratsaldeko 18:00etan Mahastietako Liburutegian, Ongi etorri Pupu eta Lore filma ikusteko aukera paregabea izango dugu.

EUSKARAZ BIZI NAHI DUT! lasterketa, Barakaldon

Bihar, irailak 21, hitzordua dugu Barakaldoko Errontegi auzoan. "Euskaraz bizi nahi dut!" lasterketaren bigarren edizioa ospatuko dugu. 
Zozketak, sariak, kamisetak, diplomak... eta giro euskaldun itzela!!!

Animatu ta hurbildu eguerdian 12:30ak aldera eta izena eman!!! Errontegiko Ainara plaza izango da abiapuntua. (Plazara heltzeko jarraibideak, azpian)

Barakaldon ere, euskaraz bizi nahi dugulako!!!!



Matrikulazio kanpaina abian

Udari agur esan diogu, eta ikasturte berria hastear dago. Zuen herriko AEKn eta Udal Euskaltegian matrikula egin dezakezue. Gainera, Berbalagun egitasmoan parte hartzeko behar besteko informazioa topatuko duzue. Postaz ere informazioa jaso dezakezue: ezkerraldea@aek.org. Izan zaitezte berbalagunak eta euskara praktikatzeaz gain, herriko euskaldunak ezagutu eta hainbat deskontuz gozatzeko aukera izango duzue.