KALESAREAK dokumentala Portugaleten

Portugaleteko Udalaren Hezkuntza-Gazteria Sailak eta Euskara Zerbitzuak Kalesareak dokumentalaren aurkezpena eta proiekzioa antolatu dute, Portugaleteko gazteei begira.

Dokumentala Gazte Gelan erakutsiko dugu 2015eko urtarrilaren 22an (osteguna), 17:00etan.

Kalesareak Bizkaiko Foru Aldundiak sustatutako K ekimenari dagokio. Ekimen honen helburua euskarazko espazio ireki bat sortzea da, 18-30 urte bitarteko neska-mutilak aktiboak izan daitezen beren kezketarako proposamen eta irtenbideak bilatzen.

Kalesareak den ikus-entzunezkoa K-movie lehiaketako parte-hartzaileen bideoetan oinarrituta editatu da, K proiektuaren arloan. Dokumentalak 350 gazteren dinamika parte-hartzailea izan du. Nola edo hala, ikus-entzunezkoaren protagonistak dira eta interesatzen zaizkien gaiez hitz egiten dute: hala nola, sexuaz, ikasketez, lanaz, euskaraz, etxebizitzaz, kulturaz…

Hona hemen dokumentalaren trailerren estekak: 1. trailerra: www.youtube.com/watch?v=KLbRs7-PxjQ 2.a: www.youtube.com/watch?v=qSM5sruBpbg