pestañak

Zinea Barakaldo Antzokian


Ostiralean, abenduaren 31, eguerdiko 12:00etan, 
zinea euskaraz ikusteko aukera izango duzue. 
"Midas erregearen altxorra" hain zuzen ere.
Gozatu zinea euskaraz!


Urtarrileko agenda

Oporrak hartu baino lehen, hona hemen urtarrileko agenda:


Animatu eta parte hartu ezkerraldea euskalduntzen!!!!!

Eguberri on, euskalakariok!!

Oso ongi pasa Gabonetan eta gozatu oporrez! Urtarrilaren 10etik aurrera ikusiko dugu elkar, dagokizuen egun, ordu eta lekuan. Urte berri on, Ezkerraldeko euskalakariak!!

Urtarrileko agenda ikusgai.


Olentzero!!!!!!


Urtero lez, Olentzerok Ezkerraldera bisita egingo du, abenduaren 24an. Santurtzi, Barakaldo, Sestao...herri bakoitzeko auzoetan Olentzero ikusteko parada izango duzue. Bakoitzak aukera dezala!
Anima zaitezte Olentzerori ongi etorririk beroena ematen!!!


Barakaldon, zinea euskaraz!


Bihar, abenduak 23, eguerdiko 12:00ean "Planet 51" filmea ikusteko aukera izango duzue Barakaldo antzokian. Haur eta gaztetzoentzako filmea izanik, animatu ikustera!!!!

San Tomas Eguna!!


Bihar Bilbo baserritarrez jantziko da, urtero lez, San Tomas ospatzeko. Bertan azoka ikusteko eta produktuak dastatzeko aukera izango duzue.
Anima zaitezte parte hartzen, ikusten eta euskal giroa bizitzen!

Zer ote da euskalakaria?

Euskalaklip lehiaketa



AEK-k korrikarako antolatu duen lehiaketan parte hartu nahi?
Informazioa: www.korrika.org

EUSKALAKLIP

Berbalagunak, animatu eta parte hartu Korrika 17ko bideo lehiaketan!!!!
Bideoan argibide batzuk ematen badira ere, informazio gehiago: www.korrika.org

Olentzero Santurtzira iritsiko da


Negua gain-gainean dugula Olentzero etorri ohi zaigu honen berri ematera: jendea kale ertzetan zain, umeen alaitasuna, gurasoen irribarrea… Ohiko elementuak dira neguaren etorreran. Hemendik gutxira egunak ilun-ilunak izango dira, baina Olentzerori jaramon eginez gero, urtean izandako gazi-gozoak albora ditzakegu, eta urte berria kemen eta gertaera onez beterik helduko zaigu.


Santurtzin badakigu data hauek oso garrantzitsuak direla, eta hau dela eta, talde ugarik Olentzeroren irteerak antolatzen dituzte auzo guztietan: Kabiezes, Mamariga, Donibane, erdialdea…Bakoitzak aukera dezala zein duen gogokoago eta parte hartu abenduaren 24ko ekintza hunkigarri honetan!!!

Negu Eguna jaia Mamarigan!!!



Ostegunean, abenduak 23, Kultur Etxeak Mamarigan Negu Eguna ospatzeko egun zoragarria antolatu egin du neguari ongi etorri beroa eman diezaiogun. Adin guztiei zuzendutako ekintzaz betetako eguna izango dugu.


Hona hemen Kultur Etxeak antolatutakoa:


18:00etan Triki poteoa eta salda zein gaztainak banatzen hasiko dira.

19:00etan Balkoitik Plazara Fredi Paia eta Katxo bertsolariekin

20:00etan Erromeria. Tartean desioak erre eta produktu ekologikoz hornituriko saskia zozketatuko dute


Herri kultura bultzatuz aurrera doan egitasmoa!!.

Zer da Euskalakaria?

IKA, IKA, IKA, BADATOR KORRIKA!!!!!!!!!!



Dagoeneko gainean dugu hurrengo Korrika, KORRIKA 17 izango dena. Korrika aurrera eramateko Euskal Herriaren laguntza ezinbestekoa da. Hortaz, AEK-k "Korrika laguntzaile" kanpaina jarri du martxan. Informazio gehiago hemen

Horrekin batera, Korrika materiala, ibilbidea, leloa, mezua,... ezagutzeko, bada martxan Korrika web orria (http://www.korrika.org/)

MAITATU, IKASI, ARI,... EUSKALAKARI!!!!!


Gabonetako afaria!

Sestao eta Barakaldoko AEK euskaltegietako ikasleek gabonetako afaria antolatu dute ostiral honetan (abenduak 17).

Sestaoko afaria euskaltegian bertan izango da eta bakoitzak zerbait eraman behar du. 20:00etan elkartuko dira poteoa egiteko.

Barakaldokoa, ordea, Getaria jatetxean (San Bizente auzoan) izango da eta menuak 30 euro balio du.

Berbalagunok ere gonbidatuta gaude, nola ez! Bietakoren batera joateko asmoa baldin baduzue, pasatu AEKtik eta izena eman!!!

Barakaldo eta Sestaoko aurkezpenak!!!



Eskerrik asko Berbalagun aurkezpenetara hurbildu zen jendeari. Eguraldi txarra eta zubi bezpera zela kontutan hartuta, eskertzekoa da zuek animatu izana.


Sestaon 30 lagun eta Barakaldon 40 bat bildu ginen.

Berbalagunon triki poteoa


Ostiral honetan, abenduak 17, 20:00etan Santurtziko berbalagunok hitzordua daukagu Txitxarran, Lagun Etxea tabernan. Gabonak gero eta hurbilago daudenez, oporrak hartu baino lehen triki poteo erraldoi bat antolatu dugu AEKrekin batera.

Lagun Etxea tabernan hasi eta batek daki non amaitu. Hori bai, Txitarra euskaldunduko dugula argi eta garbi dago. Gainera trikitilarien doinuek Txitxarrari ukitu berezia emango diote.

Ahaztu barik Gabonetan ere euskaraz egin behar dugula, maitatu, ligatu, jan, gozatu, oparitu...

Anima zaitezte eta har dezagun pote bana edo bina, hiruna, launa... EUSKARAREN ALDE!!

KORRIKA 17ren laguntzaile kanpaina


Badator Korrika 17, AEK lanez lepo dabil . Baina Euskal Herria zeharkatzeko laguntza behar du, inoiz baino laguntza handiagoa. Laguntzeko era asko egon arren, hasieran bi nabarmentzen dira: Korrika Laguntzailea kanpaina eta Korrika materiala.


Korrikak, 1980an sortu zenean, euskarari bultzada handia emateaz gain, diru kopuru handia lortzea zuen xede. Izan ere, orduko AEKren egoera ekonomikoa eta jarduna kolokan zeuden. Ateratzen den diruarekin proiektu ezberdinak aurrera eramaten dira: eraikin berriak egitea, herrialderen bati laguntza berezia ematea...


30 urte igaro arren, AEK-k herritarren laguntza behar du bere proiektuak aurrera atera ahal izateko. EAEko egoera hobea bada ere, oraindik ez da nahikoa, eta Nafarroan eta Iparraldean diru-laguntzak oso urriak dira. Jaurlaritzarekin izandako harreman urriek egoera oker dezakete. Horretaz gain, badaude AEKn diru-laguntza publikoen bidez bete ezin diren hamaika egiteko, hala nola, matrikulazio prezioak ez igotzea edo jaistea, doakotasunaren aldeko bidetik.


Korrika Laguntzaile egiten direnek, 12 euroren truke, euskarari laguntzeaz gain, hainbat onura izango dituzte: Laguntzaile direla adierazten duen pina, ehunka komertziotan beherapenak Korrika Laguntzailea txartelari esker. Txartelarekin batera komertzioen zerrenda ekuratuko dute Euskal Herriko txoko askotan erabili ahal izateko.


Arropa ere badago dotore-dotere Korrikari ongi etorria emateko. Euskal Herriko jai eta azoketan saltzeaz gain, AEKren euskaltegietan ere egongo da.


Informazio gehiagorako pasa zaitezte Santurtziko aektik. Korrikaren inguruko informazioa nahi izanez gero abenduaren 16an KORRIKA 17ren webgunea martxan egongo da: http://www.korrika.org/

"Aitarekin bidaian"


Hurrengo igandean, hilak 19, Barakaldo Antzokian antzezlana euskaraz gozatzeko aukera izango dugu. "Aitarekin bidaian" da antzezlanaren izena eta arratsaldeko 20:00etan izango dugu ikusteko parada.
Informazio gehiago hemen
Barakaldon ere, kultura euskaraz!!!!

Olentzero bila!


Kaixo Berbalagunak!



Laguntza eske ari gara oraingoan. Sestaoko bi ikastetxe, gurekin harremanetan jarri dira Olentzeroaren papera egingo duen norbaiten bila ari direlako. Norbait animatzekotan, hona hemen eskaeren nondik norakoak:



*KUETO ESKOLAN abenduaren 21ean 15:00-16:15ak arte (apur bat lehenago etorri beharko janztera. Arropa ikastetxeak lortuko du)



*ALBIZ ESKOLAN: abenduaren 23an 9:00etatik 11ak arte, edo 14:00ak arte(kalejira egin nahi izanez gero).



Eskerrik asko eta animatu umeak alaitzen!!!!!

Berbalaguna izateak abantailak ditu!!!!!!

BERBALAGUNEN PARTE HARTZEAGATIK, ABANTAILA ETA DESKONTU BATZUK DITUGU:
* BERRIAko asteburuetako harpidetzan deskontua. Informazio gehiago eta izena emateko euskaltegietan duzuen eskuorrietan edo hemen
* AIZU! aldizkariaren harpidetzan deskontua. Informazio gehiago eta izena emateko hemen
* UEU ikastaroetan deskontuak. Informazio gehiago hemen
* EHUko aukera askeko kredituak. Informazioa eta izena emateko hemen
Anima zaitezte berbalagunak eskaintzen dituen abantailak aprobetxatzen!!!

Kultur Etxearen ikastaroen jaia


20 urtez lanean, borrokan, ametsetan, sentitzen, defendatzen, sustatzen, maitatzen... 20urtez euskaraz, 20 urtez IRAKASTEN.

Abenduaren 10ean Kultur Etxeak antolatuta, IKASTAROEN JAIA ospatuko da Mamarigan, 20:00etan. Egun berezi honen xedeak Kultur Etxean ematen diren ikastaroen berri eman, ikastaroetan parte hartzen duen jendeak elkar ezagutu eta herriari kultura zabaltzea dira. Honengatik ez da jai itxia izango, herriari begirako jaia baizik. Gainera pintxo dastaketa izango dugu sukaldaritza taldeari esker.

Kutur Etxeak egiten duen lana ezagutzeko ezin aukera hobea.

Animatu eta murgildu kulturan!



Mendilagunak Aizkorrira!!!!!


Abenduaren 12an (igandea) mendilagun taldeak irteera egingo du Aizkorrira.
Eguraldi txarra izatekotan, hurrengo iganderako utziko dute.
Izena emateko: ezkerraldea@aek.org
Anima zaitezte gure mendiak euskaraz ezagutzera!!!!!

"Eta Karmele?"

Sasiburuk antzezlana antolatu du, hurrego abenduaren 9an (osteguna) San Bizenteko kultur etxean eta arratsaldeko 19:30ean. Animatu antzerkia euskaraz gozatzera!

Euskararen Nazioarteko Eguna

Hurrengo abenduaren 3an, Euskararen Nazioarteko Eguna ospatuko da. Eta horren aitzakiarekin ekintza anitz antolatu dira gure eskualdean. Euskarak behar zaituelako, parte hartu!!!!!


Gazte Bulegoak "Euskal Astea" antolatu du: (Kartela handiago ikusteko, egin "klik" irudiaren gainean)



Hizkuntza Eskolan:


- Abenduak 2:

11:15ean filmea "Lorazain leiala"


16:00etan "munduak buelta eman zida" hitzaldia (Aitor Nebreda)


18:15ean bertso-saioa: Etxahun Lekue, Ibon AJuria eta Jone Uria bertsolariekin



Bertso afaria Sestaon: Laster barru, informazio gehiago hemen


Eta ez ahaztu baenduaren 2an eta 3an, Berbalagun aurkezpenak izango ditugula Sestao eta Barakaldon, hurrenez hurren

Abenduko Agenda


Hemen daukazue hilabete honetako agenda. Animatu eta gozatu!!!!

Abenduko agenda prest!




Euskararen Nazioarteko Eguna


Abenduaren 3an Euskal Herriko txoko askotan Euskararen Nazioarteko Eguna ospatuko da. Santurtzin Euskara Sailak Bihotz Gaztea ikastolaren laguntzaz hainbat ekintza antolatu egin ditu egun honetarako.


17:00etatik 20:00etara adin guztietako pertsonei zuzendutako jolas gunea egongo da non jolas eta jostailu tradizionalen bildumatxoa egingo den. Honetaz aparte, euskal kirol eta jolasak, tailerrak, txirrista puzgarria...


Geure hizkuntza aldarrikatzeko eguna ere bada. Argi eta ozen esan behar dugu gure kulturaren oinarria dela eta edozein une eta lekutan erabiltzeko eskubidea dugula. Hala ere, aldarrikapenik onena egunerokotasuna da. Egunero erabiliz babestu eta bultzatuko dugu.


Animatu eta bizi euskaraz!!

Barakaldoko berbalagunak Hamaika telebistan!!

Asteon, Hamaika Telebistako Hona hemen saioan AEKren praktika egitasmoen berri eman dute gure Eskualdeko berbalagunek!!! Bideo honetan Barakaldoko berbalagunen testigantzak ikus ditzakezue.

Eskerrik asko Barakaldoko ostegunetako berbalagun taldeari!!

Bertsoak eta antzerkia: Erregea eta bufoia

Bihar, azaroak 30, Erregea eta bufoia ikuskizunarekin ongi pasatzeko aukera izango duzue. Amets Arzallus bertsolariak beteko du oraingoan bufoiaren lana. Bi saio egongo dira, Sestaoko Musika Eskolan, goizeko 9:30 eta 11:30ean.
Ikasleentzako ekintza berezia da Sestaoko Euskara Sailak antolatutako hau.

Patata Tropikala: "Mendiko Altxorra"



Larunbat honetan, azaroak 27, 12:00etan Euskara Sailak antolatuta "Mendio Altxorra" Kale antzerkia Gernika parkean izango dugu.


Mendi guztiek arima eta altxor bat gordetzen dute. Gure mendiak itsasoarekin muga egiten duenez izaki asko bizi dira bertan: loreak, iratxoak... Hala ere, lantzean behin "Metalezko Gizonak" etorri ohi dira altxorraren bila eta edozein gauza egiteko prest daude...


Txontxongiloak, animaliak, umorea eta ezusteak erabiliz, haur eta helduek euskaraz gozatuko dute.

Ezkerraldeko berbalaguneko aurkezpenak

Aupa lagunok! Ostegunean edota ostiralean, Sestaon edota Barakaldon ikusiko dugu elkar, ezta? Animatu eta hurbildu Ezkerraldeko Berbalagunaren aurkezpenetara! Kartela tamaina handian ikusteko, egin klik irudiaren gainean.

Gari Barakaldon!!!


Hurrengo azaroaren 26an, ostirala, Gariren kontzertua izango dugu Barakaldo Antzokian. Lan berriaren aurkezpen kontzertua eskainiko du Garik.

Berbalagunak Berrizen!!!


Ezkerraldeko hainbat berbalagun, Sestaoko Karibe kolektiboak antolatutako asteburu euskaldunean hartu du parte. Eta antza primeran pasatu dute Berrizen!!!!!

Mendilagunak Beriainera!!!




Igandean (hilak 21), mendilagun taldeak irteera egingo du Beriainera.

Eguraldi txarra izatekotan, hurrengo iganderako utziko dute.
Izena emateko: ezkerraldea@aek.org
Anima zaitezte gure mendiak euskaraz ezagutzera!!!!!

Sohütako ikastolaren alde


"Iparraldeko egoera dela eta, Ikastolen beharren asetzea zaila gelditzen da. Datorren urtean, Sohütako Ikastolaren handitzeko obrak eramango dira. Berri on bat izanik ere, dakizuen bezala, gure eskoleen ibilmoldearen finantzamendua, parte handian, burrasoen gain gelditzen da. Berriro ere zuen laguntza eskatzen dizuegu".

LAGUNTASUNA Elkartetik, Gabonetako Otarren distribuzioan lagunduko diete.



Informazio gehiago hemen.

Musika Tresnen Hastapenak


Hala Dzipo Kultur Elkarteak azaroaren 19an, 11.00etan “Musika Tresnen Hastapenak” liburu didaktikoaren aurkezpena egingo du.

Barakaldoko Clara Campoamor Kultur Etxean izango da eta gonbidatuta zaudete!

Informazio gehiago hemen.

Xilipurdi taldea: Gaur jaia



Larunbat honetan Euskara Sailak antolatuta Xilipurdi taldea Gernika parkean izango dugu 12:00etan.


Publiko ororentzako animazio eta musika ikuskizuna: Parte hartzeko jolasak, puxikak, uztaiak, lehiaketak, dantzak... . Pailazokeriak bata bestearen atzetik etorriko dira bai umeek bai gurasoek parte har dezaten.

Aire-Airean


Ostegun honetan, Euskara Sailak antolatuta Jose Ramon Agirreren "Aire-Airean" ikus-entzunezkoa Kresala aretoan 20:00etan.


Baltistan Pakistango iparraldean dagoen herrialdea da, Txinako mugaldean eta Iparraldeko Eremuak izeneko lurraldean kokatutakoa, Kaxmiren. Oso inguru menditsua da, batez beste 3.500 metroko altueran. 300.000-400.000 pertsona bizi dira bertan.

Pakistango mendirik altuenak hemen daude kokaturik: K2 (8.611 m), Nanga Parbat (8.125 m), Gasherbrum I (8.068 m), Broad Peak (8.047 m) eta Gasherbrum II (8.035 m).
Bestela, bost ibar nagusi ditugu inguru honetan: Kharmang (Kartakhsha), Khaplu, Skardu, Shigar eta Rondu.


Mendia gustuko dutenek aukera paregabea izango dute lurralde menditsu hau ezagutzeko eta burua erabiliz murgiltzeko. Oso gustuko ez dutenek ere Baltistanen dauden paisaiez goza dezakete.


Murgil gaitezen euskaraz lurralde menditsu honetan!

Maddi Ohienart eta Juantxo Zeberio Barakaldon

Bihar, ostirala, Maddi Ohienart eta Juantxo Zeberioren musika emanaldia izango dugu Barakaldo Antzokian, 20:00etatik aurrera. Informazio gehiago nahi izanez gero, Barakaldoko Antzokiaren web-gunera jo.

Barkatu, baina fitxa teknikoa eta informazioa gaztelaniaz baino ez dago. Baina ekitaldi hau oso interesgarria iruditu zaigunez, gaztelaniaz bada ere, informazioa zabaltzea erabaki dugu eta bide batez, Barakaldoko Antzokiak euskararekiko daukan jarrera salatzeko aukera eman digu (web-gunea gaztelania hutsean daukate).

Azaroko egitaraua Adaxkak-en

Barakaldoko Adaxkak aisialdi taldeak hilabete honetarako prestatu duen egitaraua agendatik kanpo geratu zaigunez, sarrera honetan begiraleek prestatu dituztenen berri emango dizuegu.

Azaroaren 6an: Jolas kreatiboak

Azaroaren 13an: Munduko kirolak

Azaroaren 20an: Sukaldaritza tailerra

Azaroaren 27an: Begiraleen formakuntza (Ez da, beraz, ekintzarik egongo)

Ekintza hauek Ibarrakaldu dantza taldearen lokalean larunbat guztietan dira, 6etatik 8ak arte.

Informazio gehiago Adaxkak-en blogean.

Azaroko agenda


Santurtziko azaroko agenda prest dago . Aurreko astean Bai Esanek antolatuta, Kerman izan genuen gure herrian, eta Euskara Sailak antolatuta, Kidam magoa. Hurrengo ateetarako ekintza ugari daude. Anima zaitezte eta bizi euskaraz!


Korri eta Salto pailazoak


Azaroaren 13an, Euskara Sailak antolatuta, Korri eta Salto pailazoak izango ditugu Gernika parkean "Artista bat naiz ni" ikuskizunarekin.


Pailazo hauek arlo guztietan sekulako artistak direla erakutsiko digute esketx dibertigarriz betetako antzezlan honetan, hala nola, musika kontzertu txiki bat, pintura eta eskultura saioa, zinea, dantzak... .


Bai umeek bai gurasoek aukera bikaina izango dute pailazoen munduan euskaraz murgiltzeko.

Barakaldoko gaztetxearen planak


Barakaldoko Oleta gaztetxean ostiralero plan bikainen bat dago.
Honetan, azaroaren 5ean, musika gau parte hartzailea izango dute eta hilaren 12an, klown gaua. Informazio gehiago hemen.

Animatzen bazara, musika tresna edo pailazo sudurra hartu eta hurbildu gaztetxera!

Haur hizkerari buruzko moduluak

Sestaoko Euskara Sailak umeen jolasak eta kantak ezagutzeko eta euren hizkerari buruz gehiago jakiteko ikastaro bi antolatu ditu.

Lehenengo ikastaroa azaroaren 9tik 18ra da (lan egunetan) eta bigarrena, hilaren 23an hasiko da.

Informazio gehiago izateko edota izena emateko Sestaoko Euskara Sailera jo.

Azaroko agenda

Hona hemen hilabete honetan Sestao eta Barakaldon euskaraz egongo diren ekintzak. Animatu eta hartu parte! Tamaina handian ikusteko, egin klik irudiaren gainean.

Kidam magoa: "Txintxin magikoa"



Larunbatean, azaroak 6, Asier Kidam magoa izango dugu Gernika parkean 12:00etan. Mago trebe honen mirari harigarriak ikusteko parada izango dugu, hala nola, ur bat-batean izoztua edo magia egiten duen pelutxea.


Euskara Sailak antolatutako ume eta gurasoentzako ekintza aproposa. Ez galdu magiaren liluraz gozatzeko aukera!

Berbalagun txirrindularientzat...

Ezkerraldean Mendilaguna martxan jarri genuen modura, ibaiaren beste aldean, Getxon, txirringa taldea osatu dute Egizuko lagunek. Talde honetan Ezkerraldeko lagun batzuek hartzen dute parte.

Dagoneko prest dute bigarren irteera:

Eguna, ordua eta lekua: Azaroaren 6an, larunbata, Telletxeko aparkalekuan (Algortako metro geltokiaren ondoan), 9:00etan
Ibilbidea: Algorta-Atxuriaga-Algorta
Kilometro-kopurua: 48
Zailtasuna: erraza (oso bide laua da, bidegorriak eta bide berdeak elkartzen dituena).

Informazio gehiagorako eta izena emateko. Idatzi mezu bat hona.

Mendilagun ere martxan dago

Mendilagunak Eretza mendian, 2010eko otsaila

Oso ongi dakizuen moduan, aurreko ikasturtean, Ezkerraldeko Mendilagun jarri genuen martxan. Mintzapraktika egiteko elkartzen den taldea da, baina, parte hartzen duten berbalagun guztiek zaletasun bat dute komunean, mendiak igotzea gustokoa dutela.

Atera mendiko botak edo zapatilak!!! Mendia eta euskara uztartu nahi badituzu, zalantzarik ez izan eta izena eman!

Arbela Sestaoko kaleetara atera dugu berbalagunok

Sestaoko mintzapraktika taldeak martxan daude. Astero-astero eta zintzo-zintzo elkartzen dira egun, ordu eta leku hauetan:
-astelehenetan, 18:30ean, BOCK tabernan.
-astearteetan, 20:00etan, Kasko metro irteeran.
-astearteetan, 20:00etan, Austri zapatadendaren aurrean (talde honek eguna aldatzen du, berbalagunen lan beharren arabera)
-asteazkenetan, 19:30ean, La Galeria tabernan.
-ostegunetan, 15:30ean, La Galeria tabernan.
-ostiraletan, 20:00etan, Bock tabernan (gero, La Pelatik poteatzera joaten dira).

Barakaldoko berbalagun askok eta askok ere atera dute arbela kalera. Laster barru pasatuko dizkizuegu barakaldarren hitzorduak.

Gurekin arbela kalera ateratzera animatzen bazara, izena eman (mesedez, zehaztu zein herritan hartu nahi duzun parte)!

Salam kale antzerkia



Euskara Sailak antolatuta urriaren 30ean, larunbata, 12;00etan Gernika parkean Salam kale antzerkia. Publikoa plazara eramaten duen kale antzerkia. Bi magrebik eta euren gameluak gozaraziko digute Magrebeko arte eta musika herrikoiaren benetako erakustaldi batekin eszenatoki inprobisatu batean.

Ume eta gurasoentzako ekintza aproposa.

Euskara Hobetzen ikastaroa




Datozen asteotan Mamarigako Kultur Etxeak Euskara Hobetzen ikastaroa martxan jarri nahi du. Euskaldun osoa bazara, baina zure maila hobetu nahi baduzu egiten dituzun hutsegiteak zuzenduz eta euskaltzaindiaren arauen berri izan nahi baduzu, aukera paregabea daukazu. Maila hobetzeari begirako ikastaroa da, eta ez euskara ikasteari begirakoa.

Kultur Etxeak aukera ezin hobea eskaini nahi die euskaldun osoei euren euskara maila hobe dezaten.

Euskaraz hazi, ikasi eta bizi!


Interesatuta bazaude:

- Emaila: http://www.kulturetxea.com/

- Telefonoa: 94 493 78 60

Anbotorako irteera




Mendilagunak berriro ere martxan daudenez, Anbotorako irteera antolatu dute igande honetarako (urriak 24). Makilei hautsa kendu ostean berriro ekingo diote euren zaletasunari, hots, mendiak igotzeari. Ibilbidea exijentea bada ere, zailtasun handirik ez da topatuko; Badakizue, gogoko tokian aldaparik ez.



Ibilbidea hauxe izango da: Arrazola - Zabalaundi - Anboto - Anboto Sakona - Repetidorea - Arrazola.



Mendia eta euskara bateratzen dituen ekintza honetan parte hartzeko aukera izango dugu. Euskarak gailur guztietara heldu behar du eta.



Izena eman nahi izanez gero : ezkerraldea@aek.org