pestañak

URTARRILEKO AGENDA

Urtea bukatzear dago, eta urte berriarekin batera, urtarrileko agenda datorkigu. Gogoratu ekintza gehiago topa dezakezuela hemen eta facebook-en (ezkerraldeko berbalagunak)

URTE ETA AGENDA BERRI ON!!!!!!

JOSTAILUGINTZA TAILERRA PORTUGALETEN


Aurtengo Gabonetan Portugaleteko Gurasolagunok betiko jostailuak egiten ikasiko dugu, eta nola ez, haiekin jolastu ere. Etor zaitezte umeekin batera euskaraz jostailuak egitera. Anima zaitezte eta euskaraz gozatu!!:
-DATA: urtarrilaren 2a, asteazkena
-ORDUA: arratsaldeko17:30ean
-TOKIA: Santa Klara Kulturtokian
Izena emateko bidal ezazu e-posta gurasoportu@aek.org helbidera.

KORRIKAren sagardotegi erraldoia ikasleen omenez

Korrika 18k euskalduntzen eta alfabetatzen ari diren milaka eta milaka pertsonak omendu nahi ditu. Hori dela eta, aurtengo omenaldia kalean egin nahi dugu, ikasle horiek guztiak bilduko dituen karpa erraldoi batean, hain zuzen. Sagardotegi erraldoi bat egingo dugu urtarrilaren 26an, Usurbilgo frontoian, egun osoko egitarauarekin:
-Goiz osoan zehar kale animazioa (trikitilariak, txarangak,…)
-13:00: Bertsolariak eta kupelen irekiera
-14:30: Bazkaria
-16:30: Ekitaldi nagusia
-18:00: Erromeria
-21:00: Esne Beltzaren kontzertua.
Edizio honetan euskararen aldeko lasterketa erraldoiak zabaldu nahi duen mezuan, euskara euskal herritarron elkarbizitzarako gakoa dela diogu, elkarrekin bizitzeko, elkarri hitz egiteko, elkarri entzuteko eta elkar ulertzeko tresna. Baina, horretarako, euskal herritarrok euskal kultura ezagutzea eta euskara jakitea ezinbestekoa da.
Horregatik guztiagatik, Korrikak omenaldirik beroena eskaini nahi die ikasle guztiei. Beren ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak sortzen ari direlako.

Hainbat informazio, hala nola, ordua, zehazteke dago; baina zehaztu ahala jakinarziko dizuegu.

Animatu!!

Boteroren erakusketa

Pasa den larunbatean Bilboko Arte Ederretako Museora joan ginen Botero margolari kolonbiarraren lanak ikustera. 33 laguneko taldea osatu genuen, eta oso bisita ikusgarria eta aberasgarria izan zen Boterori buruzko hainbat datu azaldu zizgikuten eta.
Eskerrak eman nahi dizkiegu museoko gidariei eta museoari berari egindako harreragatik eta emandako azalpen txukunengatik.
Hurrengora arte!

Hauxe da osatutako taldea:




Negu Eguna 2012 Mamarigan

Negua ate joka daukagu, eta urtero lez, Mamarigako Kultur Etxeak egun berezia prestatu egin du urtaro zuri honi ongi etorria egiteko.
 
Hauxe da abenduaren 23rako (Igande honetarako) Negu Eguna ospatzeko Kultur Etxeak antolatutako  egitaraua:
 
12:00etan Harrizulatzaile Tailerra umeentzat.
 
13:00etan Triki - Kalejira Kultur Etxeko Pandero ikastaroko ikasleekin
 
13:30ean Balkoitik Plazara Xabi Paia eta Gabi Basañez bertsolariekin.
 
ANIMATU ETA PARTE HARTU!!! 
AUTOGESTIOAREN BIDEZ!!!
 

Gernikarako txangoa

Urtarrilaren 19an, Bai Esanek antolatuta, Gernikara joango gara egun-pasa. Horretarako, Bai Esan taldeak egun osoko egitaraua prestatu egin du:

- Bisita birtuala eta gidatua Santimamiñen.
- Oma basoa bisitatu.
- Bazkaria Markopollon.
- Batzar Etxerako bisita gidatua.

Plan zoragarri honetan parte hartu nahi baduzue, bidali email bat ondoko helbidera: baiesan@kaixo.com. 
Lekuak mugatuak dira: 40 lagun inguru.

argazki txapelduna


Zorionak Saray!

Argazki eta lelo kuttunena lehiaketa

Hauexek dira jasotako gutun eta leloak. Bozkatu lelo eta argazkirik onena mezu bat bidalita ondoko helbidera: ezkerraldea@aek.org. Bozkatzeko azken eguna abenduaren 13a. 14an blogean txapelduna iragarriko dugu.

I. argazkia: "birziklatu zaitez euskarara"



II. argazkia: "sentitu, gozatu eta hitz egin euskaraz"



III. argazkia: "euskararako zubia ikastoletako harrobia"





IV. argazkia: Honek ez du lelorik



Adarrotsen "Zazpi Ditut" aurkezpenak

Korrika 18ren bideoklipa eta denda

KORRIKA 18 martxan da! Eta martxan jartzeko era ona musika entzunez da, Esne Beltzaren musika, hain zuzen ere. Izan ere, KORRIKA 18ren kanta egin du."Eman euskara elkarri", transmisioa baita euskararen oraina eta geroa.
Hona hemen bideoklipa:

https://www.youtube.com/watch?v=A6s7vAJv-LE

Bestetik, larunbat honetan, 12:00etan ezkerraldeko Korrika - denda irekiko dugu Portugaleteko Alde Zaharreko Salcedo kalean (udaletxe atzean). Pasa zaitezte eta aukeratu korrikari ongi etorria emateko kamiseta,sudadera edota prakarik gustukoenak. Hona hemn dendaren ordutegi eta egutegia:




Adarrots taldearen "Zazpi Ditut" diskoaren aurkezpena


Ostiral honetan Santurtziko Kresala aretoan Adarrots folk taldearen "Zazpi Ditut" diskoaren aurkezpena izango da 20:30ean. Aurkeztuko duten diskoa bigarrena da. Izan ere, 2009. urtean, Mendebala Folk Jaialdiak antolatutako talde berrien IV. Lehiaketa irabazi zuten. Harrez geroztik, euren lehen diskoaren grabazioari ekin zioten: “Haizekadak". 

Kresala aretoak edukiera mugatua duenez, asistentzia konfirmatu beharko duzue emailez. Konfirmatzeko sakatu hemen
 

Hona hemen bideo bat:



Mendilagunak Aizkorrira!

Igande honetan, abenduak 16, Mendilagunek ikasturte honetako bigarren irteerari ekingo diote: Aizkorrira. Lehen irteeran eguraldi kaskarra egin bazuen ere eta 3 lagun izan arren, primeran pasa genuen. Orain, Aizkorrira abiatuko dira, eta hotza iragarri arren, aurre egingo diote. Hori bai, elurretarako arropa eraman behar, hau da, polainak, botak... Aizkorri mendia eta ingurua elurtuta ikusteak izugarria izan behar du. Izan ere, ahalegin handia egitearen xarma da jasotzen den uzta, kasu honetan, ikuspegia.
Animatuz gero, igande honetan 07:00etan Santurtziko tren geltokian.
Izena emateko: ezkerraldea@aek.org.

Kultur Etxeko ikastaroen jaia

Ostiral honetan, abenduak 14, Mamarigako Kultur Etxean antolatzen diren ikastaroen jaia izango dugu 19:30etik aurrera. Ikastaroetan parte hartzen dutenek nahiz parte hartzen ez dutenek elkar ezagutzeko jaia non Kultur Etxea barrutik ezagutzeko aukera ere izango duzuen. Gainera, hau guztia borobiltzeko pintxo-jana izango dugu.
Baliteke hurrengo urtean animatzea eta ikastaroren batean izena ematea.

"Biak hankaz gora" antzezlana


Gurasolagun gozo-gozoak!!!



Asteazkenean, abenduak 12, HIRU TXOKOLATE TARTA egiten ikasteko tailertxoa egingo dugu Sestaon. 

Kueto eskolan izango da, arratsaldeko 6etan. Gurasolagunek antolatua, guraso eta seme-alabentzat izango da, guztion artean euskara praktikatzeko eta gauza berriak ikasteko.

Animatu eta eman izena aintzane-p@aek.org helbidean edo Sestaoko AEK euskaltegian.
Gozatu euskaraz!!!!

Ezkerraldeko Korrika-denda irekitzear!

Korrika 18 martxan da! Andoainetik Baionara izango da aurtengo edizioa, eta gehiagotan egin dugun bezala ezkerraldeko Korrika-denda irekiko dugu. Hurrengo larunbatean, abenduak 15, Portugaleteko Alde Zaharrean, Salcedo kalean, 3 zk. (udaletxe atzean). Bertan, arropa erosteaz gain Korrikaren inguruko informazioa jaso ahal izango duzue.

Abenduaren 2ko mosaikoa

Hura mosaiko ederra osatu genuena Santurtzin! Santurtzin euskaraz bizi nahi dugula aldarrikatu genuen argazki eder hau osatuz.

ABENDUKO AGENDA!!!!


Santurtzin "Euskaraz bizi nahi dugu" mosaikoa

Igande honetan, azaroak 2, Santurtziko parkeko oinezko bidean euskararen aldeko mosaikoa egingo dugu 13:00etan. Euskara maite eta erabiltzen duzuen guztiak behar zaituztegu euskaraz bizi nahi dugula agerian uzteko. Horretarako, "Santurtzin euskaraz bizi nahi dugu" esaldia duen mosaikoa osatuko dugu. Santurtzin eta ezkerraldean, jakina. Beraz, denak gonbidatuta zaudete, denok beharrezkoak garelako.
Animatu eta hartu kartulina!

EUSKARAREN EGUNEAN SESTAON...TXOKOLATEA!!!!

Datorren astelehenean, abenduak 3, Euskararen Nazioarteko Eguna ospatuko da, eta nola ez, Sestaon ere ospakizunak lekua izango du. 

17:15ean, umeentzako jokuak, kantak eta ikuskizuna izango dira musika-eskolan, eta ondoren...
Arratsaldeko 6etatik aurrera proba-jolasa izango da Gaztelekun (guraso eta umeek parte hartzeko) eta ondoren txokolate gozo-gozoa dastatzeko aukera izango dugu!!!!!

Galduko duzue?? Anima zaitezte eta hurbildu Gazteleku eta AEKra, guztion artean Euskararen Eguna ospatzeko!!!!!



Abenduaren 1ean denok Bilbotik Donostiara!

Izen-emate eskasa dela eta, autobusa ezkerraldetik atera beharrean, Bilbotik aterako da. Irteera 15:00etan izango da Plaza Biribilatik (La Granja), eta prezioa 10€-an. Izena emateko: Bilboko Alde Zaharreko Kalderapekon(Perro kalea 1) Telefonoa: 94 416 40 99. Azkar ibili izena emateko azken eguna gaur da eta!






Argazki eta lelo kuttunena lehiaketa

Abenduaren 3ko Euskararen Eguna dela eta, argazki eta lelo lehiaketa antolatzea pentsatu egin dugu. Zure herrian euskararekin lotzen duzun argazkirik kuttunena egin eta leloa jarri. Edozein argazki mota izan daiteke, leku bat, egoera bat, lagunekin egindakoa... Garrantzitsuena da zuentzat zentzu berezia izatea.
Bilatu, egin argazkia eta bidali abenduaren 3a baino lehen ondoko helbidera: ezkerraldea@aek.org.
Berbalagunen blogean bozka eman argazki eta lelorik onenari abenduaren 3tik 5era. Abenduaren 10ean irabazlea nor den jakingo dugu. Animo, saria du eta!
Gora Ezkerraldea Euskaldun!

Olentzerori Gutunen Sariketa


Urtero bezala Gabonak gero eta hurbilago daude, neguko solstizioa gero eta hurbilago eta Olentzero Serantesen daukagu jo ta su opariak prestatzen; eta urtero bezala Euskara Sailak antolatzen duen Olentzerori euskarazko gutunen sariketa martxan da. Azaroaren 14tik abenduaren 14ra, biak barne, gutunak aurkezteko epea izango duzue.
Idazlanak non aurkeztu
Santurtziko Udaleko Kultura eta Euskara Arloan, 08:00etatik 14:00etara, edota honako helbidera bidaliz: Santurtziko Udaleko Kultura eta Euskara Arloa, Sabino Arana, 5 (CasaTorre Jauregia) 48980 Santurtzi (Bizkaia).
Informazio gehiagorako sakatu hemen
 


Eman euskara elkarri!

"Eman euskara elkarri" Hauxe da KORRIKA 18ren leloa; bai, KORRIKA martxan da; jada 18 korrika. Urte dezente euskara aldarrikatzen, urte asko normalizazioaren aldeko lana egiten euskarak euskal herritarrok elkarrekin bizitzeko hizkuntza izan behar duelako. Elkarri hitz egiteko hizkuntza. Elkar entzuteko eta ulertzeko.
Euskararen aldeko lasterketa erraldoia martxoaren 14an Martin Ugalde kultur parkean, Andoainen (Gipuzkoa) hasi eta martxoaren 24an Baionan (Lapurdi) bukatuko da.
Informazio gehiagorako sakatu hemen

Berbalagunak dantza eta pintxotara!

Larunbat honetarako plan ederra bezain gozoa daukagu Santurtzin; izan ere, Bihotz Gaztea dantza taldearen 45. urteurrena izateaz gain pintxo dastaketa izango dugu hainbat berbalagunek proposatuta. 
Bihotz Gazteak dantzaldi ederra eskainiko digu 12:00etan Gernika Parkean, eta jarraian Turismo Bulegoaren eskutik pintxo dastaketa egingo dugu Santurtziko hainbat tabernatan. Amaitzeko, 18:00etan erromeria izango dugu Gernika Parkean.
Pintxo dastaketarako izena emateko sakatu hemen.
Animatu eta parte hartu!

Pilates tailerra Sestaon!!!!


Hurrengo asteartean, azaroak 27, PILATES tailerra egingo dugu Sestaon.
Arratsaldeko 8etan izango da Sestaoko AEKn, Sonia berbalaguna irakasle izango dugularik.

Animatzen bazarete, eman izena Sestaoko AEKn, 678 626 567 telefonoan edo aintzane-p@aek.org posta helbidean.

Izena ematen duzuenok, egun horretan esterilla bat ekarri beharko duzue, eta ez ahaztu arropa erosoa.


Kirola ere, euskaraz!!!! Etor zaitezte, primerakoa izango da!

Hiru txokolatezko pastela

Oraingoan postre gozo-gozoa egiteko ordua heldu da. Gurasoek umeekin batera gozogilearen lana egingo dute eta hiru txokolatezko tarta ederra egingo dute. Hori bai, dena euskaraz eta doan. Anima zaitezte arratsalde gozo bat pasatzera!

-Eguna: azaroak 22, osteguna
-Ordua: 18:00etan
-Tokia: Maestro Zubeldia eskolan

Izena emateko bidal ezazu eposta gurasoportu@aek.org helbide elektronikora

Gurasolagunak Olentzeroren etxean

Pasa den igandean Portugaleteko Gurasolagunok Olentzeroren etxea bisitatu genuen. Igande arratsalde magikoa izan zen guraso eta umeentzat: Maridomingi ezagutu genuen, Olentzerori berari gutuna irakurri genion, pertsonaia mitologikoekin jolastu ginen... 32 pertsonok parte hartu genuen euskarazko ekintza polit honetan. Pena izan zen pertsona kopuru mugatua egotea, guraso eta ume asko Olentzeroren etxea ezagutu gabe geratu baitira. Hurrengo urterako askoz jende gehiago joango gara, hori seguru.

Abenduaren 1ean denok Donostiara!


Eskualdean autobusak antolatzeko asmoa dugu. Bata, Barakaldokotik 11:30ean aterako da epaitegi atzeko bus geltokitik; egun osorakoa (goizean joan, pote batzuk hartu, eta manifestaziora joan; 10€). Bestea, Santurtzitik atera eta Portutik pasako da (15:00etan atera, manifestaziora joan, eta itzuli. Prezioa zehazteke).
Aukeran izango dituzue biak. Izena euskaltegian eman ahal izango duzue.

Manifestazioari begira prestatutako bideoa ikusteko sakatu hemen.

Bidelagun eta irakurzale taldeak martxan!

Santurtziko berbalagunek bi talde sortu dituzte: Bidelagun taldea eta Irakurzale Kluba.

 
Lehenak zeharkaldiak egitea du helburu, ibilbide errazak, edonork egiteko modukoak. Horretarako, hilean behin elkartuko dira aldez aurretik aukeratutako ibilbidea egiteko. Lehen irteera abenduaren 1ean egingo dute: Urkiolara, Saibigainera, hain zuzen ere. Haraino autoz joango dira  abenduaren 1ean, goizeko 8:30ean. Talde honek bloga dauka, eta berehala informazioa eskuragarri izango duzue. Bloga ikusteko sakatu hemen

 

Bigarrena euskarazko literatura irakurtzea helburu duen taldea da. Horretarako, hilean behin elkartuko da 19:15ean Santurtziko AEK Euskaltegian, hilaren lehen astelehenean, hain zuzen ere. Informazio gehiagorako sakatu hemen.

EUSKARAZ BIZI NAHI DUGU!!!


Euskaraz bizi nahi dugula aldarrikatu beharra dugu, eta horretarako Kontseiluak manifestazioa antolatu du, Donostian. Abenduaren 1ean arratsaldeko 17:00ean Anoetan izango da hitzordua eta hara hurbiltzeko autobusak antolatuko ditugu.

Izena emateko eskatu informazioa zuen herriko AEK euskaltegietan. Eta egun horretarako kamiseta elegante eta polita lortu nahi baduzue, eskura dituzue 10€an Barakaldoko AEKn.

Euskaraz bizi nahi dugulako, Abenduaren 1ean, denok Donostiara!!!!!!

Gurasolagunak Olentzeroren etxera

Igande honetan Gurasolagunok Olentzerok Mungian duen etxea bisitatzera joango gara. Gabonetako pertsonaiarik garrantzitsuenak, gure Olentzerok, ongi etorria egingo digu bere etxean. Mari Domingik, Galtzagorriek eta Peruk, besteak beste, antzinako istorioak, tradizioak eta mitoak kontatuko dizkigute. Etor zaitez Olentzeroren bazter magiko honetara. Den-dena euskaraz!

Eguna:Azaroak 18, igandea
Ordua:arratsaldeko 16:30ean
Tokia: Carlos VII (If dendan)
Prezioa:8€ bakoitzeko (autobusa doan)

Izena emateko bidali e-posta gurasoportu@aek.orghelbide elektronikora.




Portugaleten ERTIBIL erakusketa ikustera joateko bisita gidatua


ERTIBILek Bizkaiko arte sortzaile gazteek eginiko artelanak hurbilagotik ezagutzeko aukera ematen du. Erakusketa ibiltari hau Sestao, Amorebieta-Etxano, Lekeitio, Derio, Galdakao, Portugalete, Ortuella eta Gernika-Lumo bezalako herrietatik igarotzen ari da. Portugaleten Maria Ibarretxe, Alaitz Arenaza, Jon Macareno eta Mikeldi Perezen (aurtengo sarituak) artelanak ezagutzeko bisita gidatua egingo da. Zatozte arte garaikideaz gozatzera!!!

DATA: Azaroak 15 Osteguna.

ORDUA: 19:30etan.
LEKUA: Santa Klara Kulturtegia.

Azaroak 9 Ostirala: PORTUGALETEN Ezkerraldeko berbalagunen JAIA


19,00etan PANTXIKA LAMURen umore saioa Santa Clara Kulturtegian.
20,00etan KALEJIRA fanfarria eta guzti Santa Claratik Portugaleteko Alde Zaharrera.
20,00etan ZIRIMIRI tabernan argazki erakusketa, pintxo-potea.

Hortik aurrera Koskojales kaleko zenbait tabernetatik kamiseten banaketa eta pertsona birentzako afari baten zozketa JAUREGI erretegian. Zatozteee!!!

"Ali Baba eta 40 lapurrak" antzezlana

Igande honetan, azaroak 11, Santurtziko Serantes Kultur Aretoan Ali Baba eta 40 lapurrak antzezlana izango dugu 12:30ean. Ume eta gurasoentzako ekintza aproposa; beraz, haurrak dituzuenok ez duzue aitzakiarik. Gainera, berbalagunok deskontua daukagu.
Animatu eta gozatu euskaraz haurrekin!

"Lingua nabajorum" antzezlana

Ostegun honetan,  Santurtziko SKAn, "Lingua nabajorum" antzelana izango dugu, 20:30ean. Gainera, berbalagunak izateagatik %50eko deskontua dugu, hau da, sarrerak 5€-an. Izena emateko: ezkerraldea@aek.org.
Antzezlan honen bidez euskararen historia ezagutuko dugu era barregarri batez; izan ere, Mikel Martinez eta Patxo Telleria aktoreak umorean adituak dira.

Azaroko agenda, bero-bero!!!!

Kaixo Berbalagunok!!! 
Hementxe duzue azaroko Ezkerraldeko euskararen agenda. Ekintza ugari dago eta haien artean bat, guretzako inportantea: 
EZKERRALDEKO BERBALAGUNON JAIA!!!! Portun ospatuko dugu hurrengo azaroaren 9an. Anima zaitezte!!!!

azaroaren 9an, BERBALAGUNON JAIA Portugaleten

Badira urte batzuk Berbalagun egitasmoa Ezkerraldean abian jarri genuenetik. Egun, Sestao, Barakaldo, Portugalete eta Santurtzi artean 500 berbalagun baino gehiago gara. Jendeak parkean, tabernan, kalean, liburutegian, polikiroldegian... euskaraz hitz egitea lortu dugu.

Euskaraz hitz egiteko espazio berriak sortu ditugu eta nola ez, norekin hitz egin ez zutenei mintzapraktika egiteko aukera eskaini diegu. Berbalagunok euskarari bultzada handia eman diogu eta hori ospatu beharra dago.

EGITARAUA
19:00etan Santa Klaran, Pantxika Lamur. Umorea, akrobazioak, klakea... barrez lehertzeko modukoa!

20:00etatik aurrera musika kalejira Alde Zaharretik, berbalagunon argazki erakusketa (Zirimiri tabernan), pintxo dastaketa merke-merkea Alde Zaharreko tabernek eskainita, elkar ezagutzeko jolasak... eta beste hainbat sorpresa

LAGUNEI ESAN ETA ERDU GUREKIN!

Triki poteoa eta bertso afaria Santurtzin!



Larunbat honetan, urriak 27, Bai Esani esker arratsalde eta gau zoragarriak izango ditugu; izan ere, egun horretarako triki poteo, bertso poteo eta bertso afaria antolatu ditu Maialen Lujanbio eta Amets Arzallus bertsolariekin. 19:00etan geratuak gara Lagun Etxea tabernan poteoa egiteari ekiteko; 20:00ak aldera bertso poteoa eta 21:30ean afaria Marina Jatetxean. Parte hartzeko, txartela hartu behar duzue ondoko lekuetan: Lagun Etxea tabernan, Sotera tabernan, Udal Euskaltegian eta AEKn; prezioa 20€.
Informazio gehiagorako: baiesan@kaixo.com.



Udazkeneko entsalada gozoak Portugaleten


Joan den asteartean Berbalagunok, sukaldari profesional batek lagunduta, udazkeneko entsalada gozoak prestatu genituen. Urtaro honetako elikagaia asko erabili genituen zaporea, usaina, bizitasuna eta kolorea emateko, hala nola:uraza mota desberdinak, pinaziak, intxaurrak, ahuakatea, mustarda haziak... Entsalada berezi hauek egiten ikasi, praktikan jarri eta egindakoa dastatzeko parada ere izan genuen. Arratsalde bikaina!

Mendilagunak Cerredo mendian

Igandean burutu zen mendilagunen lehen irteera;baina, Anbotora joan beharrean Kantabria aldera abiatu ginen, Cerredo mendira. Igoera ederra izan genuen, jaitsiera, berriz, ez zen hain atsegina izan euriak harrapatu gintuelako, eta euriarekin batera haizea eta lainoa. Hala ere, merezi izan zuen ikuspegi ederrez gozatu baikenuen. Ea hurrengorako lagun gehiago animatzen diren!

Goiko argazkian osatutako hirukotea duzue.Argazki gehiago ikusteko sakatu hemen

Berbalagun aurkezpena Sestaon!!!


Urtero lez, aurten ere hitzordua izango dugu Sestaon, ikasturte berriari hasiera emateko. Berbalagun egitasmoaren aurkezpena egingo dugu ostegun honetan, Urriak 18, arratsaldeko 19:00etan Sestaoko udal liburutegiko areto nagusian.

Aurten, Gurasolagun programa jarriko dugu martxan ere, eta horren berri emango dugu, Berbalagun programa osoa aurkezteaz gain.

Anima zaitezte eta hurbildu! Lagun gaitzazue Sestao euskaldunago izaten!!!

Gora Sestaoko Berbalagunak!

Santurtziko berbalagunon kedada 19an!





Urtero bezala, ikasturteari ongietorria emateko, urriaren 19an, ostirala, Santurtziko Txitxarra kalean elkartuko gara 20:00etan Lagun Etxea tabernan. Gainera, berbalagun kamisetak zozketatuko ditugu; beraz, badakizue, kamisetaren bat eskuratu nahi izanez gero edota berbalagun gehiago ezagutu nahi izanez gero, datorren asteko ostiralean hitzordua izango duzue.

Animo, eta praktikatu gurekin!!

Euskaraz eta hizkuntza politikaz mintzo Portugaleten


Astelehen honetan Portugaleteko Berbalagunek antolatuta euskara eta hizkuntza politikaren inguruko mahai-ingurua izan genuen Santa Claran. 40 bat lagun gerturatu ziren euskararen etorkizunaz kezkaturik. Bost alderdi politikoetako ordezkariek euren hizkuntza politikaren nondik norakoak azaltzen ahalegindu ziren eta ondoren, ikus-entzuleek haien kezkak plazaratu zituzten.

Mendilagunak Anbotora


Igande honetan, urriak 14, mendilagunen lehen irteera izango dugu. Ikasturte berriari hasiera emango diote Anboto mendian, Mariren bizilekuan, hain zuzen ere.
Ibilbidearen nondik norakoak hauexek dira:
Arrazolatik atera eta Arrazolan amaitu. Ibilbidea apur bat exijentea bada ere; izan ere, mila metroko altuera du, paisaia ederraz gozatuko duzue.
Ordua: 08:30ean
Lekua: Santurtziko tren geltokian

Animatu eta parte hartu!
Izena emateko sakatu hemen