Itzela izan zen atzokoa! Hainbat berbalagun elkartu ginen Sestaoko AEK euskaltegian Lantzeko zortziko ikastaroa egiteko asmoz. Lauko taldeak eginda, talde bakoitzak gela batean ikasi zuen dantza, inauteri jantzi eta guzti!
Pandemia dela eta, ezin izan ginen korroan dantzatu denak batera, dena den, egoera hobetzen denerako plana badugu, ikasitakoa plazan erakutsi denok elkarrekin eta euskaraz dantzan! Urrun ikusten dugu momentu hori, baina helduko da! Bitartean, hementxe dituzue atzoko zenbait argazki eta bideo:
